DMG, Commer & Industries Dept bultumin SGBP chuan an hnathawh dan hrang hrang an thlir ho

Aizawl July 7, 2023: Directorate of Geology & Mining (DGM), Commerce & Industries Department bultumin State Geological Programming Board (SGPB) chuan an hnathawh dan hrang hrang an thlirho. 

GAD Conference Hall-a thutkhawmah hian kum kalta chhunga Directorate of Geology & Mining leh Geological Survey of India (Tripura-Mizoram Circle) hnathawh hrang hrangte tarlan a ni a, Nikum lama SGPB thutkhawm neih taka pawm tawh hmalakna te sawiho a ni. 

Thutkhawma tarlan danin Sorkar kum liamta khan Directorate of Geology & Mining (DGM) chuan sorkar sum bawmah cheng nuai 12,23,97,489 an chhunglut a ni. Hetih lai hian DGM chhungah Mizoram pum enkawltu thawktu nghet chu 48 an niin sanctioned post chu 86 a ni.

DGM hnuaiah hian Dan thar 2: Draft- The Mizoram Minor Minerals [Concession & Prevention of Illegal Mining], Rules 2023 leh The District Mineral Foundation Rules of Mizoram, 2023 an siam chu Cabinet thutkhawmin kumin kumtir lam khan alo pawm tawh a. Heng Dan-te hi Assembly thutkhawma pawm anih hnuah hman theih a ni ang.